-
-
-
-
काठमाडौं । कम्युनिटी शिल्ड फुटबलको उपाधि म्यानचेष्टर सिटीले जितेको छ । आइतबार राति भएको खेलमा लिभरपुललाई टाइब्रेकरमा पराजित गर्दै सिटीले सिजनको पहिलो उपाधि जितेको हो ।
निर्धारित समयको खेल १–१ गोलको बराबरीमा सकिएपछि खेलको निर्णय टाइब्रेकरमा गरिएको थियो । टाइब्रेकरमा सिटी ५–४ गोल अन्तरमा जित निकाल्न सफल भयो ।
नियमित समयको १२ औं मिनेटमा लिभरपुलका पूर्व खेलाडी रहिम स्टर्लिङले गोल गर्दै सिटीलाई अग्रता दिलाएका थिए । ७७ औं मिनेटमा माटिपले गोल गर्दै खेल बराबरीमा ल्याएका थिए ।
नयाँ सिजन सुरु हुनुभन्दा अघि गत सिजनको प्रिमियर लिगको विजेता सिटी र च्याम्पियन्स लिगको विजेता लिभरपुल कम्युनिटी शिल्डको उपाधिका लागि भिडेका हुन् ।
निर्धारित समय भने निकै रोमाञ्चक भएको थियो । गत सिजनमा सिटी उपाधि विजेता बन्दा लिभरपुल उपविजेता भएको थियो ।
खेलमा प्रशिक्षक पेप ग्वार्डियोला पहेंलो कार्ड पाउने पहिलो प्रिमियर लिग प्रशिक्षक पनि बनेका छन् ।
