-
-
-
-
काठमाडौं । जम्मू–कश्मीरको विषयलाई लिएर भारतको राजधानी नयाँदिल्लीमा केन्द्रीय सरकारको बैठक सकिएको छ ।
बैठक सकिएपछि मन्त्रीहरु संसद बैठकका लागि गएका छन् ।
प्रधानमन्त्री नरेन्द्र मोदीको अध्यक्षतामा बसेको बैठकअघि मोदी आवासमा मोदी र भारतीय जनता पार्टीका अध्यक्ष एवं गृहमन्त्री अमित शाह तथा राष्ट्रिय सुरक्षा सल्लाहकार अजित डोभालबीच छलफल भएको थियो ।
जम्मू–कश्मीरका विषयमा ठूलै फैसला गर्नका लागि यो बैठक बसेको बुझिएको छ ।
सोमबारको बैठकको निर्णय गृहमन्त्री अमित शाहले राज्यसभा बैठकमा पेश गर्ने जनाइएको छ ।
उनी त्यसका लागि राज्यसभामा गइसकेका छन् । राज्यसभापछि शाह लोकसभामा गएर यसबारे जानकारी गराउने छन् ।
विपक्षी दल काँग्रेसले भने स्थिति स्पष्ट गर्न माग गरेको छ ।
मोदी नेतृत्वको सरकारको नयाँ भारतमा नयाँ कश्मीरको योजना बुनिरहेको बताइएको छ ।
