नवदीप सैनी टोलीमा परेसँगै सिनियर क्रिकेटरमाथि खनिए गम्भीर

प्रकाशित मिति : २०७६ श्रावण २० सोमबार

काठमाडौं । अहिले भारतीय क्रिकेट टिम वेस्ट इन्डिज भ्रमणमा छ । यो भ्रमणको क्रममा उसले पहिलो टी–२० खेलमा ४ विकेटको जित हासिल गरेको थियो । सो खेलमा भारतीय क्रिकेट टोलीमा नवदीप सैनी म्यान अफ द म्याच बनेका थिए । यसै विषयमा भारतीय पूर्व क्रिकेटर गौतम गम्भीरले पूर्व क्रिकेटरहरु बिशन सिंह बेदी र चेतन चौहानमाथि तीखो प्रहार गरेका छन् ।

केही वर्ष पहिले यी दुई क्रिकेटर्स दिल्ली र जिल्ला क्रिकेट एसोशिएशनका सदस्य थिए । त्यतिबेला सैनीलाई दिल्लीको रणजी टिममा लिने गम्भीरको फैसलाको उनीहरुले विरोध गरेका थिए । गम्भीरले अहिले त्यसैको आक्रोश व्यक्त गरेको बताइएको छ ।

भारतले उक्त खेल जितेसँगै गम्भीरले एक ट्वीट गर्दै नवदीप सैनीलाई बधाई दिएका थिए । उनले सैनीले डेब्यु गर्नुअघि नै बिनसिंह बेदी र चेतन चौहानको दुई विकेट लिएको गम्भीरको भनाइ छ । मैदान आउनुभन्दा पहिला नै उनको चिहान खन्न लागिएको गम्भीरले बताएका छन् ।

प्रतिवेदनअनुसार सन् २०१३ मा दिल्ली रणजी टिमका कप्तानको रुपमा गौतम गम्भीर हरियाणाका नवदीप सैनीलाई आफ्नो टोलीमा ल्याउन चाहन्थे । तर, बेदी र चौहानले यसको विरोध गरेका थिए । तर, गम्भीरले सैनीलाई विरोधका बीच ल्याएका थिए ।

बेदीले गम्भीरको आरोपमा प्रतिक्रिया दिँदै सैनीको विरुद्धमा आफ्नो मनमा केही नरहेको बताएका छन् । उनले सैनी राम्रो खेलाडी रहेको तर अहिले उनले एक खेलमात्र खेलेको कारण उनीबारे कुनै प्रतिक्रियाको लागि केही समय प्रतीक्षा गर्नुपर्ने बताएका छन् ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ