- सुन चाँदी दर
- विनिमय दर
- नेपाली पात्रो
- राशिफल
काठमाडौं । भारतले वेस्ट ईन्डिजविरुद्व टी–२० क्रिकेट सिरिजमा क्लिनस्वीप गरेको छ । तीन खेलको सिरिजमा भारतले ३–० को जितसहित क्लिनस्वीप गरेको हो ।
मंगलबार राति भएको भएको तेस्रो तथा अन्तिम खेलमा वेस्ट ईन्डिज ७ विकेटले पराजित भएको थियो ।
टस हारेर सुरुवाती ब्याटिङ गरेको वेस्ट ईन्डिजले ६ विकेटको नोक्सानीमा १४६ रन बनाएको थियो । किरोन पोलार्डले ४५ बलमा ५८ रन बनाए ।
रोभमन पोवेलले २० बलमा नटआउट ३२ रन बनाएका थिए । भारतका दिपक चाहरले सर्वाधिक ३ विकेट तथा नवदिप सैनीले २ विकेट लिएका थिए ।
१४७ रनको लक्ष्य भारतले १९.१ ओभरमा ३ विकेट गुमाएर पुरा गर्यो । ऋषभ पन्तले ४२ बलमा नटआउट ६५ रन बनाए । कप्तान विराट कोहलीले ४५ बलमा ५९ रन बनाएका थिए ।
चाहर म्यान अफ द म्याच र क्रुनाल पाण्डेया म्यान अफ द सिरिज भए ।
भारतले सन् २०११ पछि पहिलो पटक वेस्ट ईन्डिजलाई उसको भूमिमा हराएको हो । भारतले टी–२० मा विदेशमा दोस्रो पटक ३–० ले जितेको छ ।
भारतले अब वेस्ट ईन्डिजविरुद्ध तीन एक दिवसीय र दुई टेष्ट सिरिज खेल्नेछ ।