कपिलवस्तु । महाराजगंज नगरपालिकाले नगर क्षेत्रका फुसको घरको छाना भएका विपन्न र गरिब परिवारलाई जस्तापाता वितरण गरेको छ । खरको छानो मुक्त गर्ने अभियान अन्तर्गत नगरपालिकाले जस्तापाता वितरण गरेको हो । नगरपालिकाले ११ वटै वडामा रहेका १ सय ५० भूमीहीन गरिब परिवारलाई जस्ता पाता वितरण गरेको छ ।
नगर प्रमुख अब्दुल कलाम खां, उप प्रमुख शुभावती कुर्मी र वडाअध्यक्ष, कर्मचारी सहितको टोलिले जस्ता पाता वितरण गरेको हो । जस्तापाता वितरण पछि महाराजगंजका प्रमुख अब्दुल कलामले गरीब समुदायहरुलाई परिवर्तन ल्याउन र उनीहरुको खुशी फर्काउन जस्ता पाता वितरण गरिएको बताए ।
साथै आगामी आर्थिक वर्षमा समेत निरनतर वडा वडामा खरको छाना पहिचा गरी घर बनाउन नसकनेलाई प्राथिमिकताको आधारमा जस्तापाता प्रदान गरिने उनले बताए । गत आर्थिक बर्षमा १ सय ५० घरधुरीलाई जस्तापाता वितरण गर्ने कार्य अनुसार प्रदेश सरकार र नगरपालिकाले ८५ लाख रुपैयाँ बजेट छुट्याएर काम गरिएको उनले बताए । प्रत्येक घरधुरीलाई ८ वटा जस्ता पाता, ९ वाट पाइप वितरण गरिएको वडा नं १ का वडा अध्यक्ष शिव प्रसाद बनियाले बताए ।
जस्तापाता लिएपछि वडा नम्बर १ की स्थानिय सुमित्रा सुनारले आफूलाई अत्यन्त खुशी भएको प्रतिक्रिया दिइन । ‘पानीले छानो सबै भत्काएर हिजोदेखि खाना बनाउन पाएको थिइन, अब मलाई ढुक्क भयो । उने भनीन अब गरिबलाई पनी रातह भएको छ ।
त्यस्तै वडा नम्बर ४ का गिता कलवारले आफूले जस्ता पाता पाएपछि तत्काल टिनको छाना भएको घर बनाउने बताइन् । खाना बनाउंदा छाता ओढेर पकाउनु पथ्र्यो अब हामीलाई ठुलो राहत भयो ।’ ज्याला मजदुरी गरेर परिवार लालनपोषण गर्नुपरेकोले छाना फेर्न नसकेको दुख भएको सयममा नगरपालिकाले छानो दिएकोमो खुशी व्यक्त गरिन्।
