बीसीसीआईले द्रविडलाई पठायो नोटिस, गांगुली भन्छन्- भारतीय क्रिकेट अब भगवानको हातमा

प्रकाशित मिति : २०७६ श्रावण २३ बिहिबार

काठमाडौं । भारतीय क्रिकेट टोलीका पूर्व कप्तान राहुल द्रविडलाई भारतीय क्रिकेट बोर्ड (बीसीसीआई)का लोकपाल डीके जैनले कम्पनीको सेयरको विवादलाई लिएर नोटिस जारी गरेका छन् । द्रविड नेशनल क्रिकेट एकेडेमीका प्रमुख हुन् । साथै उनी इन्डिया सीमेन्ट ग्रुपको पनि उपाध्यक्ष हुन् । उनलाई नोटिस पठाएसँगै पूर्व कप्तान सौरभ गांगुली र अफ स्पिनर हरभजन सिंहले असन्तुष्टि जनाएका छन् ।

दुवैले ट्वीट गर्दै भारतीय क्रिकेट टोलीलाई अब भगवान्ले मात्र बचाउन सक्ने बताएका छन् । डीके जैनले प्रदेश क्रिकेट संघका सदस्य सञ्जीव गुप्ताको उजुरीमा द्रविडलाई नोटिस पठाएका हुन् । गुप्ताले यसअघि सचिन तेन्दुलकर, सौरभ गांगुली र भीभीएस लक्ष्मणको विरुद्धमा पनि हितको विवादको उजुरी दिएका थिए ।

गांगुलीले यो चर्चामा रहने बीसीसीआईको सबैभन्दा राम्रो तरिका भएको बताएका छन् ।  हरभजन सिंहले पनि महान खेलाडीलाई यस किसिमको नोटिस पठाउनु बेइज्जत भएको बताएका छन् । उनले भारतीय क्रिकेटलाई अब भागवान्ले मात्र बचाउनसक्ने बताए ।

बीसीसीआईका अधिकारीले द्रविडलाई नोटिस पठाइएको स्वीकार गर्दै दुई साताभित्र जवाफ मागिएको छ । सचिनलाई पनि एडभाइजरी कमिटिका साथै मुम्बई इन्डियन्स र भीभीएस लक्ष्मणलाई सनराइजर्स हैदरावाजसँग जोडिएको भन्दै नोटिस पठाइएको थियो । गांगुलीलाई पनि बंगाल क्रिकेट एशोसिएशनका साथै दिल्ली क्यापिटल्ससँग जोडिएको भन्दै नोटिक पठाइएको थियो ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ