विश्वकै धनी परिवारको शीर्ष ३ मा अमेरिकी, वाल्टन सबैभन्दा धनी

प्रकाशित मिति : २०७६ श्रावण २७ सोमबार

काठमाडौं । विश्वभर आर्थिक असमानता निकै तीव्र गतिमा बढिरहेको एक प्रतिवेदनले देखाएको छ । ब्लूमवर्गले सार्वजनिक गरेको सबैभन्दा धनी परिवारको सूचीले यसको पुष्टि गरेको हो । सूची अनुसार अहिले विश्वका सबैभन्दा धनी २५ परिवारसँग १४ खर्ब डलरको सम्पत्ति छ । सबैभन्दा धेरै सम्पत्ति भएको परिवारमा अमेरिकाको रिटेल चेन वालमार्ट सञ्चालन गर्ने वाल्टन परिवार पहिलो स्थानमा छ ।  

प्रतिवेदनअनुसार वाल्टन परिवारले गत वर्ष ३९ अर्ब डलर सम्पत्ति कमाएको थियो । यससँगै यो परिवारको कुल सम्पत्ति १ खर्ब ९१ अर्ब डलर पुगेको छ । त्यस्तै अर्को मार्स परिवार यो सूचीको दोस्रो स्थानमा छ । यो परिवारको कुल सम्पत्ति गत वर्ष १ खर्ब २७ अर्ब डलर थियो । गत वर्ष यो परिवारले ३७ अर्ब डलरको सम्पत्ति जोडेको थियो ।
 
त्यस्तै तेस्रो स्थानमा अमेरिकाको कोश परिवार रहेको छ । यो परिवारसँग १ खर्ब २५ अर्ब सम्पत्ति छ । यो परिवारले गत वर्ष २६ अर्ब डलरको सम्पत्ति कमाएको थियो ।  
भारतीय अर्बपति मुकेश अम्बानीको परिवार यो सूचीको नवौं स्थानमा छ । यो परिवारले गत वर्ष ७ अर्ब डलरको सम्पत्ति जोडेको थियो ।

 प्रतिवेदनअनुसार गत वर्षको तुलनामा यस वर्ष प्रमुख २५ धनी परिवारको सम्पत्ति २४ प्रतिशतले बढेको छ । धनी र गरिबको बीचमा बढ्दो अन्तरको कारण आलोचकहरुले पुँजीवादी व्यवस्थामा सुधारको आवाज उठाउँदै आएका छन् ।

विश्वका टप १० धनी परिवार

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ