arrow

म्यानमारमा विद्रोहीको सशक्त आक्रमण, १४ को मृत्यु

logo
प्रकाशित २०७६ साउन ३० बिहिबार
myanmar.JPG

म्यानमार ।  म्यानमारका सुरक्षाकर्मीहरु रहेको ठाउँमा विद्रोही समूहले गरेको सशक्त आक्रमणमा परी १४ जनाको मृत्यु भएको छ ।  विद्रोहीले आक्रमण गरेपछि बिहीबार सैनिकहरुले पनि प्रतिवाद गर्दा दोहोरो भिडन्त भएको म्यानमारको प्रहरीले जानकारी दिएको छ । सैनिक प्रतिष्ठानमा रहेका सुरक्षाकर्मीहरुलाई विद्रोहीहरुले लगातार आक्रमण गरेका बताइएको छ ।

म्यानमारमा आदिवासी जनजातीहरूको विद्रोही समूहले एक दशकदेखि सरकारी सुरक्षाकर्मीविरुद्ध समयसमयमा आक्रमण गर्दै आइरहेको छ ।

बिहीबारको आक्रमण पर्यटकीय क्षेत्रको रुपमा चिनिने मण्डलेय नजिकैको ठाँउमा भएको अधिकारीहरुले जनाएका छन् ।

आक्रमण भएको सैनिक प्रतिष्ठानको छेउमा रहेको प्रहरी कार्यालयमा पुगेका एएफपीका एक जना समाचारदाताले सात जना सैनिक र चार जना प्रहरीको शव देखेको बताएका थिए ।

सैन्य प्रवक्ता जाव मिन तुनले भने तीन जनाको मृत्यु भएकोमा दुई जना सैनिक र एक जना सर्वसाधारणको मृत्यु भएको बताएका छन् । उनले बिहीबार दिउसो समाचार तयार गर्दासम्म भिडन्त जारी रहेको जानकारी दिए ।

अहिलेसम्म मृत्यु हुनेको सङ्ख्या कम्तीमा १४ पुगेको समाचारमा जनाइएको छ ।एएफपी



लोकप्रिय समाचार
लोकप्रिय समाचार
नयाँ