प्रचण्डले भने, ‘यो संविधान सम्पूर्ण भन्ने अति दक्षिण र केही होइन भन्ने सङ्कीर्ण सोंच’

प्रकाशित मिति : २०७२ चैत १७ बुधबार
काठमाडौं । एकीकृत माओवादी अध्यक्ष पुष्पकमल दाहालले अहिले जारी भएको संविधान पूर्ण हो र केही पनि होइन भन्ने दुवै धार गलत भएको बताएका छन् । मगर राष्ट्रिय मुक्ति मोर्चा, नेपालको विशेष राष्ट्रिय भेलामा दाहालले भने, ‘यो संविधान सम्पूर्ण हो भन्ने अति दक्षिण र केही होइन भन्ने सङ्कीर्ण सोंच हुन् ।’ 
 
दाहालले प्राप्त उपलब्धिको रक्षा, प्रयोग र संस्थागत गर्दै बाँकी अधिकार सङ्घर्षबाटै प्राप्तिको दिशातर्फ लाग्नुपर्नेमा जोड दिए । अध्यक्ष दाहालले माओवादीले आदर्शको कुरा गर्दा नीति छोड्ने नीतिको कुरा गर्दा आदर्श छोड्ने कमजोरीबाट बच्न आवश्यक रहेको धारणा राखे । जातीय आन्दोलनलाई वर्गीय उत्पीडनबाट अलग गरेर हुने आन्दोलन साम्प्रदायिक दङ्गामा बदलिने टिप्पणी गरेका दाहालले वर्गीय लडाई अझै नसकिएको सुनाए । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ