- सुन चाँदी दर
- विनिमय दर
- नेपाली पात्रो
- राशिफल
काठमाडौं । इंगलिश प्रिमियर लिग फुटबलमा डिफेन्डिङ च्याम्पियन म्यानचेस्टर सिटीले दोस्रो खेलमै बराबरीमा चित्त बुझाएको छ ।
शनिबार राति घरेलु मैदान इत्तेहाद स्टेडियममा भएको खेलमा सिटी टोटनह्याम हट्सपरसंग २–२ गोलको बराबरीमा रोकिएको हो ।
सुरुआती अग्रता जोगाउन नसक्दा सिटीले बराबरीमा चित्त बुझाउनु परेको हो । सिटीका लागि रहिम स्ट्रलिङ र सर्जियो अग्युरोले एक एक गोल गरे ।
टोटनह्यामका एरिक लामेला र लुकास मौराले एक एक गोल गरे ।
खेलको इन्जुरी समयमा सिटीका गाब्रियल जिससले गरेको गोलले मान्यता पाएन । जिससले गोल गरेपनि भीएआरले त्यसलाई अफसाइड भएको जनाएको थियो ।
शनिबार रातिका अन्य खेलको नतिजा
आर्सनलले बर्नलीलाई २–१ गोल अन्तरले हरायो । एलेक्जेन्दर लाकाज्ट्टी र पेर्रे इम्रिक औबामेले १–१ गोल गरे । बर्नलीका आस्ले बार्नेसले गोल गरे ।
बर्नमाउथले एस्टनभिल्लालाई २–१ गोल अन्तरले हरायो ।
एभर्टनले वाटफोर्डलाई १–० गोल अन्तरले हरायो । बर्नार्डले निर्णायक गोल गरे १० मिनेटमै ।
नर्विच सिटीले न्युकासल युनाइटेडलाई ३–१ गोल अन्तरले हरायो । टीमु पुकीले ह्याट्रिक गरेको खेलमा जोन्जो शेल्भेले इन्जुरी समयमा सान्त्वना गोल फर्काएका थिए ।
लिभरपुलले साउथह्याम्पटनलाई उसकै मैदानमा २–१ गोल अन्तरले हरायो ।
सादियो माने र रोबर्टो फर्मिन्होले १–१ गोल गरे ।
ड्यानी इंगसले सान्त्वना गोल फर्काए ।
अंक तालिका
दुई खेल खेलेर सत्प्रशित नतिजा ल्याउने केवल २ टिममात्र भएका छन् । लिभरपुल र आर्सनल ६ अंकसहित शीर्ष दुईमा छन् ।
म्यानचेस्टर सिटी, ब्राइटन एन्ड हव आल्बियन, टोटनह्याम, बर्नमाउथ र एभर्टनको ४–४ अंक छ ।
म्यान्चेस्टर युनाइटेडले एक खेलबाट ३ अंक बटुलेको छ ।
पहिलो खेलमै पराजित चेल्सी रेलिगेशन क्षेत्रमा छ ।