जाली नोट कारोबारमा संलग्न दुई पक्राउ

श्याम खतिवडा, प्रकाशित मिति : २०७२ चैत १८ बिहिबार
दोलखा। जाली नोटको कारोबार गर्ने दुई युवालाई दोलखा प्रहरीले पक्राउ गरी सार्बजनिक गरेको छ। दोलखाको च्यामा  स्थाई घर भएका पुर्ण बहादुर विक र रौतहट डुमरिया १ का लोकेन्द्र चौधरी लाइ एक हजार दरका २ लाख ८३ हजार नक्कली नोटसहित प्रहरीले पक्राउ गरेको हो। केहि समय अघिदेखी रौतहटको चपुरमा ब्यवसायिक रुपमा मेसिनबाट नक्कली नोट छाप्ने काममा संलग्न रहेका विक र चौधरीलाई पक्राउ गरेको जिल्ला प्रहरी कार्यालयले जनाएको छ। 
 
विश्वकर्मा आफ्नै गाउँमा नक्कली नोटको कारोबार फैलाउन १ हजार दरका १ लाख रुपैँया रकम लिएर दोलखा आउदै गर्दा पक्राउ परेका हुन् । उनलाई पक्राउ गरैपछि लोकेन्द्र पक्राउ परेका हुन् । दुवैले चन्द्रनिगाहापुरबाट रकम ल्याएर राजधानीमा कारोबार फैलाउने काममा संलग्न थिए ।  
 
पुर्ण बहादुर र लोकेन्द्रका साथबाट छुट्टा छुट्टै १ लाख र १ लाख ८३ हजार रुपैँया नक्कली नोट बरामद गरिएको पत्रकार सम्मेलन गरी दोलखाका प्रहरी प्रमुख डिएसपी बेल बहादुर पाण्डेले जानकारी दिनुभयो । प्रहरी प्रमुख पाण्डेका अनुसार रौतहटको चपुरमा ब्यवसायीक रुपमा नक्कली नोट छाप्ने काम गर्ने मुख्य नाईके ओसिमिया अन्सारी समेत रौतहट प्रहरीले पक्राउ गरी मुद्दा चलाईरहेको छ । पक्राउ परेका अभियुक्तहरुलाई खोटा चलनको मुद्दा चलाईने जिल्ला प्रहरी कार्यलय दोलखाले जनाएको छ।
 
पक्राउ परेकाहरुलाई मुलुकी ऐन २०२० को खोटाचलन अन्तर्गत मुद्धा चलाईने डिएसपी पाण्डेले जानकारी दिनुभयो । 
नयाँ