-
-
-
-
काठमाडौं । ब्राजिलियन फुटबल स्टार व्यवसायिक फुटबल खेल्न स्पेनिश क्लब बार्सिलानामै जाने सम्भावना बढेको छ ।
फ्रेन्च क्लब पेरिस सेन्ट जर्मेनबाट नेयमारलाई टिममा फर्काउन बार्सिलोनाले १५३ मिलियन पाउण्डको प्रस्ताव राखेको छ ।
बार्सिलोनाले फरवार्ड उसमान डेम्बेलेलाई समेत नेयमारसंगको सम्झौतामा साट्न सकिने प्रस्ताव गरेको छ ।
बर्सिलोनाका निर्देशक हेभियर बोर्डासले नेयमारलाई क्लबमा भित्र्याउनेबारे सहमति नजिक पुगेको बताएका छन् । उनले पीएसजी क्लबका पदाधिकारीसंग मंगलबार साँझ नेयमारको बिषयमा चार घण्टा छलफल गरेको बताएका छन् ।
नेयमारले पीएसजीबाट खेल्न अरुची देखाएपछि बार्सिलोनाले पुनः भित्र्याउन प्रयास गरेको छ । पीएसजीले नेयमार बिना नै लिग वान सुरु गरेको छ । नेयमारका नामका टि–सर्ट बिक्री गर्न पनि बन्द गरेको छ ।
२७ बर्षीय नेयमार दुई वर्ष अघि बार्सिलोनाबाट कीर्तिमानी मुल्यमा पीएसजी गएका थिए ।
यसअघि नेयमारलाई भित्र्याउन प्रयास गरेको स्पेनिश क्लब रियाल मड्रिड भने असफल भएको छ ।
