-
-
-
-
काठमाडौं । इंगलिश फुटबल क्लब म्यानचेष्टर युनाइटेडले आफ्ना खेलाडीहरु धमाधम बाहिर पठाइरहेको छ ।
रोमेलु लुकाकुलाई इटालियन सिरि ए क्लब इन्टर मिलानमा पठाएको युनाइटेडले अर्का फरवार्ड एलेक्सेस साञ्चेजलाई पनि लोनमा पठाउँदै छ ।
साञ्चेज पनि इन्टर मिलानमै जाँदैछन् । इन्टरका प्रशिक्षक एन्टोनियो कोन्टे युरोपियन ट्रान्सफर विन्डोको समय सकिनु अघिनै सान्चेजलाई क्लबमा ल्याउन लागिएको बताएका छन् ।
आगामी सोमबार ट्रान्सफर जोन सकिँदैछ । सम्भवतः बुधबारै सम्झौता पूरा हुनेछ । लुकाकुसंगै साञ्चेजले जोडी बनेर खेल्ने दावी इन्टर मिलानले गरेको छ । साञ्चेज युनाइटेडमा रहँदा भने सबैभन्दा महंगा थिए ।
उनले साताको ४ लाख पाउण्ड कमाउने गरेका थिए ।
युनाइटेडमा राम्रो खेल्न नसकेका साञ्चेजले ४५ खेलमा ५ गोल मात्र गर्न सके ।
