- सुन चाँदी दर
- विनिमय दर
- नेपाली पात्रो
- राशिफल
काठमाडौं । विश्व टेनिसका बुढोबाघ रोजर फेडेरर युएस ओपन टेनिसको तेस्रो चरणमा पुगेका छन् । अमेरिकाको न्यूयोर्कमा जारी युएस ओपनको दोस्रो चरणमा दामिर दजुमहुरलाई पराजित गर्दै फेडेरर तेस्रो चरणमा स्थान पक्का गर्न सफल भएका हुन् ।
३८ वर्षमा चलिरहेका पाका खेलाडी फेडेररले पहिलो सेट सहजै हारे पनि त्यसपछिका सेट सहजै जितेका थिए ।
पाँच पटकका च्याम्पियन तेस्रो विश्व वरियताका फेडेररले पहिलो सेट ३–६ ले गुमाएका थिए । तर ९९ औं वरियताका दजुमहुरलाई फेडेररले त्यसपछिका सेटमा ६–२, ६–३ र ६–४ ले हराए ।
सुरुआत राम्रो नगरेका फेडेररले पहिलो सेटमा १७ गल्ती गरेका थिए ।
यति बढी उमेरमा टेनिस खेलिरहने उनी पहिलो खेलाडी हुन् । उनमा अझै पनि उपाधि जितको भोक बाँकी छ ।