- सुन चाँदी दर
- विनिमय दर
- नेपाली पात्रो
- राशिफल
काठमाडौं । भारतको कर्नाटकका कांग्रेस वरिष्ठ नेता डीके शिवकुमार पनि मुद्रा अपचलनको आरोपमा पक्राउ परेका छन् ।
पवर्दन निर्देशालय इडीले ५७ वर्षीय पूर्व मन्त्री तथा कनकपुराका वर्तमान विधायक शिवकुमारलाई गिरफ्टार गरेको हो । अनुसन्धान एजेन्सीका अनुसार शिवकुमारले अनुसन्धानमा सहयोग गरिरहेका छैनन् ।
उनलाई चार प्रश्न सोधिएकामा उनले असहयोग गरेको छानविन समितिले बताएको छ ।
उनलाई मनि लाउन्डरिङ प्रिक्वेसन एक्टका आधारमा समातिएको हो । पक्राउ परेपछि शिवकुमारले आफ्नो विरुद्धमा भाजपा लागेको आरोप लगाएका छन् ।
उनले पक्राउ परेपछि ट्वीटरमा ट्वीट गर्दैै लेखेका छन् – मेरा आफ्ना भाजपाका साथीहरु मलाई गिरफ्तार गर्ने मिसना सफलता हासिल गरेका छन् बधाई दिन्छु ।’
उनले आफ्नो विरुद्धमा आइटी तथा इडीको घटना राजनीतिक प्रेरित रहेको पनि बताएका छन् ।
आफू भाजपाको बदलाको राजनीतिक शिकार भएको बताए ।
उनले कांग्रेस नेता तथा कार्यकर्तालाई निराश नहुन पनि अपिल गरेका छन् ।
आफूले कुनै गलत नगरेको भन्दै भगवान र आफ्नो देशको न्याय व्यवस्थाप्रति पूर्ण भरोसा रहेको उनले बताए ।
उनलाई बुधबार अदालतमा पेश गरिने भएको छ । इडीले शिवकुमारसंगै नयाँदिल्लीस्थित कर्नाटक भवनका एक कर्मचारी र अन्यविरुद्ध गत वर्षको सेप्टेम्बरमा मुद्रा अपचलनबारे उजुरी दर्ता गरेको थियो ।