तेह्रथुम । तेह्रथुममा अत्याधिक मदिरा सेवन गरेका एक व्यक्तिको मृत्यु भएको छ । हलिमेलाबाट धरानकालागि चल्ने को १ ख २७८० नंम्बर को बसका सहचालक ३५ वर्षीय महेन्द्र चौधरीको अत्यधिक मदिरा सेवनकै कारण विहिबार राति १०ः५५ बजे मृत्यु भएको जिल्ला प्रहरी कार्यलय तेह्रथुमले जनाएको छ ।
मोरङको भाउन्ने घर भएका चौधरी विगतका केही वर्षदेखि बसमा काम गर्दै आएका थिए । चौधरी विहीबार मदिरा सेवनपछि अस्वस्थ भएका थिए । उपचारका लागि जिल्ला अस्पतालमा ल्याइएकामा उनको उपचारकै क्रममा निधन भएको प्रहरी निरीक्षक जनक पुरीले बताए । प्रहरीका अनुसार मृतक चौधरीको शव पोष्टमार्टम गरी शुक्रबार आफन्तलाई बुझाई सकिएको छ ।
