काठमाडौं । भारतीय विदेशमन्त्री एस जयशंकरले आतंकवादको मुद्धामा पाकिस्तानसंग सभ्य तरिकाले वार्ता गर्न भारत तयार रहेको बताएका छन् ।
जयशंकरले सीमापारबाट भएको प्रायोजित आतंकवादलाई मध्यनजर गर्दै वार्ता टाउकोमा बन्दूक तेर्साएर नहुने बताएका हुन् ।
उनले सिंगापुरको मिन्ट एसिया लिडरसिप सम्मेलनका क्रममा उक्त कुरा बताएका हुन् ।
उनले भने, ‘यदि पाकिस्तान र भारतका बीचमा कुनै मुद्दा छन् भने त्यसबारेमा वार्ता पनि दुई देशबीच नै हुनेछ ।’
पाकिस्तानी प्रधानमन्त्री इमरान खानले देशमा ४० विभिन्न आतंकवादी समूह सक्रिय रहेको बताएका थिए । यस भनाइप्रति जयशंकरले यस सम्बन्धमा वार्ता गर्न तयार रहेको बताए ।
उनले भने, हामी यसरी कुरा गरौं जसरी दुई छिमेकी देश कुरा गर्छन् ।’
