बझाङ । सुदुरपश्चिमको हिमाली जिल्ला बझाङमा पहिलो पटक प्रधानन्याधिस कल्याण श्रेष्ठको नेतृत्वको एक टोलीले शनिबार जिल्ला अदालत बझाङको निरिक्षण गरेको छ । हेलिकप्टर बाट सदरमुकाम चैनपुर पुगेका प्रधान न्यायधीश श्रेष्ठ सहितको टोलीले जिल्ला अदालतको भौतिक पूर्वाधार ,प्रसासनिक अवस्था ,र आम जनताको न्यायमा पहुचका बिषयमा निरिक्षण गरेका छन् ।
प्रधान न्यायधीश श्रेष्ठले जिल्ला अदालतमा निकट भविष्यमा बन्न लागेको भवनका लागी केही नितीगत निर्णय र जग्गा अबलोकन गरेका हुन् । श्रेष्ठले दवन्द्कालका बेला तत्कालिन बिद्रोही माओबादीले भत्काएको पुरानो जिल्ला अदालतको सिमखेतमा समेत निरक्षण गरे ।
जिल्ला अदालतका श्रेस्तेदार घनेन्द्र अधिकारीले अदालतको निरक्षण पछि थप सुधार गर्न उत्पेरणा मिलेको बताए । प्रधान न्यायधीश श्रेष्ठको स्वागत स्वरुप नेपाल प्रहरीको टोलीले दुई पटक सलामी समेत अर्पण गरेको थियो । प्रधान न्यायधिसले बझाङ जिल्लामा पहिलो पटक निरक्षण गरे पछि अदालती प्रकृया थप सुधार हुने आसा गरिएको छ । भ्रमण टोली अन्य न्यायधिस ,रजिस्टार सहयोगी लगायतका १५ जना रहेका थिए ।
