- सुन चाँदी दर
- विनिमय दर
- नेपाली पात्रो
- राशिफल
नौशेरा (जम्मु—काश्मिर)। भारतीय सेनाले जम्मु काश्मिरको नौशेर क्षेत्रको गाउँ सुरक्षा दललाई शनिबार सैन्य तालिम दिएको छ। स्वयमसेवकको रुपमा काम गर्नेगरी उनीहरुलाई तालिम दिइएको सैन्य अधिकारीहरुले जानकारी दिएका छन्।
“नौशेरा क्षेत्रमा हतियारको प्रयोग र गुप्तचरी कार्यका लागि सीप विकास गर्ने उद्देश्यले गाउँ सुरक्षा दल तालिम आयोजना गरिएको थियो,” भारतीय सेनाका एक अधिकारीले भने। सुरक्षा दलका सदस्यहरुलाई गोली प्रहार गर्न र औषधीको प्रयोगका सम्बन्धमा पनि प्रशिक्षण दिइएको ती अधिकारीले बताए।
सुरक्षा दलमा स्थानीय गाउँलेहरु सहभागी भएका छन्। आफ्नै गाउँको सुरक्षा आफैँ गर्ने गरी उनीहरुलाई दलमा आबद्ध गराइएको हो। त्यसैगरी दुर्गम क्षेत्रमा पनि सुरक्षा अवस्था सुधार गर्नका लागि सुरक्षा दलबाट सहयोग हुने अपेक्षा गरिएको सैन्य अधिकारीहरुले बताएका छन्।
आतङ्कवादी गतिविधिहरु नियन्त्रण गर्ने रणनीति अन्तर्गत नै गाउँ सुरक्षा दल गठन गरिएको र उनीहरुलाई तालिम दिइएको उनीहरुको भनाई छ।