नेप्सेको ओरोलो यात्रा जारी

रासस, प्रकाशित मिति : २०७६ असोज ९ बिहिबार
तस्बिर : फाइल

काठमाडौं। धितोपत्र बजारमा शेयर कारोवार मापक नेप्से परिसूचकको ओरालो यात्रा आज पनि कायम रह्यो। नेपाल स्टक एक्सचेञ्जका अनुसार नेप्से १.७३ विन्दुले घटेर एक हजार १२९.८० विन्दुमा पुगेको छ। यस्तै सेन्सेटिभ परिसूचकसमेत ०.३९ विन्दुले घटेर २४७.३२ विन्दुमा सीमित भएको छ।नेप्से आरोलो लाग्दा कारोवार रकमसमेत सस्तैमा समेटिएको छ। कूल १६८ कम्पनीको सात लाख ९९ हजार १२८ कित्ता शेयर रु २१ करोड २५ लाख ४१ हजार ३५२ मूल्यमा खरीद बिक्री भए।

नेपाल स्टक एक्सचेञ्जका अनुसार कारोवार भएका कूल १२ उपसमूहमध्ये चार उपसमूहको शेयर वृद्धि भएको छ भने आठ उपसमूहको शेयर ओरालो लागेको छ। होटल ०.९८, जलविद्युत् ०.६३, जीवन बीमा ६.२७ र सामूहिक लगानीकोष ०.०९ विन्दुले बढेको छ। यस्तै बैंकिङ १.७५, व्यापार ४.८२, विकस बैंक ४.७, वित्त ०.०२, निर्जीवन बीमा १३.६३, उत्पादन ९.९४, अन्य ०.२१, लघुवित्त ३.७३ विन्दुले घटेको छ। 

स्टकका अनुसार कारोवारका आधारमा आज माछापुच्छ्रे बैंक शीर्ष स्थानमा रहेको छ। सो बैंकको रु एक करोड ९४ लाख ६१ हजार ९५५ बराबरको शेयर कारोवार भएको छ। यस्तै सानिमा बैंक रु एक करोड २५ लाख नौ हजार ९५४, प्रभु बैंक रु एक करोड १४ लाख ८६ हजार ६११, मेगा बैंक रु एक करोड एक लाख १८ हजार ८२२, नेपाल बैंक लिमिटेड रु ८३ लाख ९७५, एनएलजी इन्स्योरेन्स कम्पनी रु ६६ लाख १९ हजार २७२ बराबरको शेयर कारोवार भई शीर्ष स्थानमा रहे।

घटेको बजारमा सिनर्जी पावरका लगानीकर्ताले ७.४६ प्रतिशतले कमाए। यस्तै गुर्खाज फाइनान्स ६.५४, हिमालयन ऊर्जा विकास कम्पनी ५.६६, नेरुडे लघुवित्त वित्तीय संस्था ३.८४, हिमालयन पावर पार्टरन ३.८२ र समता माइक्रोफाइनान्स वित्तीय संस्थाका लगानीकर्ताले ३.८१ प्रतिशतले कमाए।

त्यस्तै गुमाउनेमा जोशी हाइड्रोपावर ५.२६, विशाल बजार कम्पनी ३.९३, विजय लघुवित्त वित्तीय संस्था ३.९२, आरएमडिसी लघुवित्त वित्तीय संस्था ३.७७, कर्पोरेट डेभलपमेन्ट बैंक ३.६६ र आँखु खोला जलविद्युत् कम्पनीका शेयरधनीले ३.६३ प्रतिशतले गुमाए।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ