एनसेलको दशैं अफरः रिचार्जमा डेटा बोनस

प्रकाशित मिति : २०७६ असोज १७ शुक्रबार

काठमाडौं । यो दशैंमा एनसेलका ग्राहकहरुले प्रत्येक रु १०० भन्दामाथिको रिचार्जमा डेटा बोनसको मजालिदैं यो पर्वलाई उल्लासमय बनाउन सक्ने भएका छन् ।  

एनसेल प्रालिले आफ्ना ग्राहकहरुका लागि दशैं अफर ल्याएको हो । विज्ञप्ति जारी गर्दै एनसेलले एक सय रुपैयाँदेखि १,००० रुपैयाँसम्मको प्रत्येक रिचार्जमा ग्राहकले रिचार्ज गरको रकमको आधारमा १०० एमबीदेखि १ जिबीसम्म डेटा बोनस पाउने जनाएको छ । 

यो योजना शुक्रबार (असोज १७) बाट १५ दिनका लागि संचालनमा रहने पनि एनसेलले जनाएको छ ।

यो योजनामा रु १०० ब्यालेन्स रिचार्ज गर्ने ग्राहकले बोनस स्वरुप एक दिन समयावधि रहेको १०० एमबी डेटा पाउने छन् । 

त्यस्तै रु २०० रिचार्ज गर्नेहरुले दुई दिन समयसिमा रहेको २०० एमबी र रु ३०० को रिचार्जमा ग्राहकहरुले तीन दिनको समयावधि भएको ३०० एमबी डेटा पाउने एनसेलले जनाएको छ ।  

त्यसैगरी, रु ५०० रिचार्जमा ग्राहकले पाँच दिनभित्र प्रयोग गर्न मिल्ने ५०० एमबी डेटा प्राप्त गर्नेछन् भने रु १००० को रिचार्जमा १० दिन समयसीमा रहेको १ जिबी डेटा डेटा पाउने छन् ।

रिचार्जमा बोनस पाईने यो अफरले ग्राहकलाई थप फाईदा प्रदानगर्ने र चाडपर्वको बेलामा सम्पर्कमा रहि रहनका साथै यसलाई उल्लासमय बनाउन सहयोग पुर्याउने विश्वास लिएको एनसेलले जनाएको छ ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ