भाजपा नेता, उनका दुई छोरा र भाइसमेत पाँचको हत्या

प्रकाशित मिति : २०७६ असोज २० सोमबार

काठमाडौं । भारतको महाराष्ट्रमा भारतीय जनता पार्टी भाजपाका नेता रविन्द्र खरातसमेत पाँच जनाको अज्ञात समूहले हत्या गरेको छ । 

आइतबार राति स्थानीय समयअनुसार ९ बजे उनको घर बाहिर हत्या भएको हो । जलगाउँका एसपी पंजाबराज उगालेका अनुसार खरात, उनका भाइ सुनील र दुई छोराहरु रोहित र प्रेमसागर तथा एक अन्य व्यक्तिमाथि हमला भएको थियो । 

जसमा दुई जनाको घटनास्थलमै र तीन जनाको उपचारका क्रममा मृत्यु भएको हो । आक्रमणकारीले बन्दुक र चक्कुको मद्धतले उनीहरुलाई मारेको प्रहरीले बताएको छ । 

आक्रमणकारी फरार रहेको प्रहरीले बताएको छ । यो घटना पारिवारिक आपसी दुस्मनीले भएको हुन सक्ने आशंका प्रहरीको छ ।

प्रहरीले तीन जनालाई नियन्त्रणमा लिएर सोधपुछ गरिरहेको एसपी उगालेलाई उधृत गर्दै भारतीय संचारमाध्यमहरुले लेखेका छन् । 
 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ