टर्कीद्धारा सिरियामा आक्रमण

प्रकाशित मिति : २०७६ असोज २३ बिहिबार
तस्वीर – एजेन्सी

काठमाडौं । टर्कीले हवाई र स्थलगत गरी दुवै क्षेत्रबाट सिरियामा आक्रमण गरेको छ । टर्कीले सिरियाको उत्तरी क्षेत्रलाई निशाना बनाएर आक्रमण गरेको हो । 

अन्तर्राष्ट्रिय समाचार संस्थाहरुले जनाए अनुसार टर्कीले पहिले हवाई तथा त्यसपछि स्थलगत आक्रमण गरेको हो । 

टर्कीको सैन्य फौज युफ्रेटिज नदीको पूर्वी क्षेत्रमा प्रवेश गरेर हमला थालेको अन्तर्राष्ट्रिय समाचार संस्थाहरुले जनाएका छन् ।

टर्कीले सिरियाली शरणार्थीलाई सुरक्षितरुपमा राख्नका लागि आक्रमण सुरु गरेको जनाएको छ । उसले १८१ आतंककारीलाई लक्षित गरी आक्रमण गरेको बताएको छ । 

यता आक्रमणको अमेरिकाले विरोध जनाएको छ । अमेरिकी राष्ट्रपति डोनाल्ड ट्रम्पले टर्कीले गरेको हमलाको निन्दा गरेका छन् ।

अमेरिकाले आफ्ना सैनिक सिरियाबाट फिर्ता बोलाएको केही दिनमै कुर्द लडाकूको क्षेत्रमा हमला सुरु भएको हो ।

अमेरिकी विदेश मन्त्री माइक पम्पेओले टर्कीलाई कुने हरियो झण्डा नदेखाइएको समेत बताएका छन् । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ