मलेसियामा नेपाली श्रमिक ठग्ने कर्मचारीहरु हटायो नेपाली दुतावासले
म्यानपावरका दलाली गर्ने कर्मचारी भने अझै दुतावासमै
प्रकाशित २०७६ असोज २९ बुधबार
656
Shares
क्वालालाम्पुर। नेपाली राजदुतावास मलेसियामा पब्लिक रिलेशन अफिसरका रुपमा कार्यरत रबि भट्ट र ड्राइभरका रुपमा कार्यरत डिल्ली धिताल (राजु अनुपम धिताल) लाई अन्तत नेपाली राजदूतावास मलेसियाले राजिनामा दिन लगाएर कामबाट हटाएको छ ।
नेपाली राजदूतावास मलेसियाका लागि राजदुत उदयराज पाण्डेले बिचौलीयाहरुबाट सर्बसाधारणहरु नठगिउन भनी ट्राभल डकुमेन्टको फोटो कपि मात्र दिने प्रावधान बनाए पछि भट्ट र धितालले ओरिजिलन डकुमेन्टलाई मलेसियन रिंगेटमा आर एम ४०० देखि ६०० मा बिक्री गर्ने गरेको (भट्ट र धितालको बार्गेनीङ अडियो सहित) समाचार हाम्राकुरा लगायतका मिडियामा प्रकाशन भएपछि दवावमा परेका उनीहरुले राजिनामा दिएका हन्।
दुतावासमा कार्यरत भट्ट र धितालले श्रमिकहरुलाई बिभिन्न बहानामा ठग्ने गरेको समाचार प्रकाशित भएपछि दुतावासले कार्तिक ०१, २०७६ बाट नेपाली राजदूतावास, मलेसियाको कुनै पनि जिम्मेवारीमा नरहने गरी हटाएको हो । यसभन्दा पहिले पनि तत्कालिन राजदूत डा. निरञ्जनमान सिंहका व्यक्तिगत ड्राइभरका रुपमा कार्यरत प्रविण प्रधानलाई पनि श्रमिकहरुलाई पासपोर्ट बनाईदिने बहानामा अवैद्य रुपमा रकम असुली गरेको र म्यानपावर ब्यवसायमा संलग्न रहेको आरोपमा हटाएको थियो ।
यद्यपि अझै पनि नेपाली राजदुतावासको कर्मचारीको रुपमा रहेर बिभिन्न म्यानपावर ब्यवसायमा संलग्न रहेका कर्मचारीहरु अझै पनि दुतावासमै कार्यरत स्रोतले जनाएको छ । दुतावासको कर्मचारीको रुपमा कार्यरत रहि मलेसियाका बिभिन्न कम्पनीहरुसँग नेपालबाट कामदारहरु ल्याइदिन्छु मलाई कति कमिसन दिने भन्दै दुतावासको कार्यालयमा बसेर स्थानीय मलेसियन कर्मचारीहरुसँग बार्गेनिङ गर्ने गरेको स्रोतले जनाएको छ ।
