अयोध्याको फैसला आउन तीन हप्ता लाग्ने, फैसलाअघि नै मन्दिर बनाउने होड

प्रकाशित २०७६ असोज ३० बिहिबार

काठमाडौं । भारतको अध्योध्याको विवादबारे सुनुवाई बुधबार पूरा भएको छ । यसको फैसला सर्वोच्च अदालतले तीन हप्तापछि दिने जनाइएको छ ।

तर फैसला आउनु अघि नै अयोध्यामा मन्दिर निर्माणको विषयलाई लिएर दावी भने शुरु भइसकेको छ । विहिप र निर्मोही अखान्डाले आपसमा दावी पेश गरिसकेका छन् ।

यदि फैसला हिन्दूको पक्षमा आयो भने ६ महिनामा राम मन्दिरको ढाँचा खडा गर्ने विहिपले जनाएको छ । त्यसैगरी अखान्डाले पनि मन्दिर आफैले बनाउने दावी गरेको छ ।

विहिप प्रवक्ता शरद शर्माले भारतीय एक अनलाइनलाई दिएको अन्तर्वार्तामा पक्षमा फैसला आयो भने ६ महिनामै राम मन्दिरको ढाँचा खडा गरिदिने दावी गरेका छन् ।

सन् १९९० मा अयोध्यामा कार्यशाला बनेको थियो जसमा उच्चकोटिका कारिगरहरुद्धारा निकै राम्रो ढुङ्गा राखिएको थियो ।

उता निर्मोही अखान्डेका महन्त दिनेन्द्र दासले आफूहरु मन्दिर बनाउन सक्षम रहेको दावी गरेका छन् । दासले यदि विहिपले निर्मोहीलाई मान्ने हो भने आफूहरु पनि विहिपलाई मान्न तयार रहेको बताए ।

शर्माले मन्दिर बनाउन १ लाख ७५ हजार घनफुट ढुङ्गा लाग्ने बताएका छन् । यसमा एक लाख घनफुट भन्दा बढी ढुङ्गा सुरक्षित गरिसकिएको उनले बताएका छन् ।

उनले मन्दिरको सिंह द्धार, नित्य मन्डप, गर्भगृहका शिला तथा भुइँतला पूरै तयार रहेको पनि बताए । शर्माले मन्दिरको मुनि भागमा १०६ खम्बा लगाउने पनि बताएका छन् ।

फैसला कसको पक्षमा आउँछ भन्ने छैन । तर राम मन्दिर नै बन्छ भन्ने गरी हिन्दूहरु आपसमा दावीमा उत्रिनुलाई भने फैसला पनि प्रभावित हुने त हैन भन्ने चासो बढेको छ ।

यसअघि सुनुवाई सकिँदासम्म हिन्दू र मुस्लिमबीच कडा टक्कर चलिरहेको छ ।