बेइजिङ (चीन)। चीनले जी–७ राष्ट्रका विदेशमन्त्रीद्वारा ‘साउथ चाइना सी’मा टापु निर्माण योजना सम्बन्धमा चीनमाथि लक्षित गरी जारी गरेको वक्तव्यको कडा शब्दमा आलोचना गरेको छ । चिनियाँ विदेश मन्त्रालयका प्रवक्ता लु काङले मङ्गलबार चिनियाँ भूगोल पुनः प्राप्ति सम्बन्धका बारेमा जी–७ राष्ट्रको भनाइप्रति आलोचना गर्दै जी–७ राष्ट्रद्वारा विश्व अर्थतन्त्र सुरक्षार्थ गरेका कार्यको विरोध गर्नु दुःखद भएको बताए ।
लुद्वारा जारी विज्ञप्तिमा जी–७ राष्ट्रले तटवर्ती विषयमा प्रचार गरेर यस क्षेत्रमा तनाव बढाउनु बेठिक हुने भन्दै यस निर्णयबाट चीन अत्यन्त असन्तुष्ट बनेको बताइएको छ ।
क्यानाडा, फ्रान्स, जर्मनी, इटाली, जापान, संयुक्त राज्य अमेरिकालगायत युरोपेली युनियनका विदेशमन्त्रीद्वारा हस्ताक्षरित उक्त विज्ञप्ति सोमबार जारी गर्दै चीनको साउथ चाइना सीमा टापु निर्माण गर्ने कार्यक्रम भयङ्कर बलपूर्ण र उत्तेजनात्मक एकतर्फी कार्य भएको भन्दै यसले उक्त क्षेत्रमा थप तनाव सिर्जना गर्ने भन्दै चीनलाई सिधै उल्लेख नगरिकन विरोध जनाएका थिए । एपी
