बिग बोसको शुल्क बारे सलमानको खुलासा, चहान्छन् शो छोड्न
प्रकाशित २०७६ फागुन १ बिहिबार
533
Shares
काठमाडौं । भारतको चर्चित शो ‘बिग बोस’ सबै त्यसमा सहभागी प्रतिस्पर्धी र सलमान खानको आम्दानीको विषयलाई लिएर चर्चामा आउने गरेको छ । सलमान खान लामो समयदेखि बिग बोसको प्रस्तोताका रुपमा काम गरिरहेका छन् । सलमानले हरेक सिजनमा शो होस्ट बनेका छन् तर प्रत्येक सिजनमा सलमान खान शुल्कलाई लिएर असन्तुष्ट रहेको बताइन्छ ।
साथै बिग बोसको अर्को सिजन अन्य कोहीले होस्ट गर्नसक्छ भनेर भनिदै आएको छ तर यस बिषयमा सलमान आफैले खुलासा गरेका छन्। बिग बोस १३ को समापन यस समय नजिकिदै छ। सलमान खान यस पटक पत्रकार रजत शर्माको आपकी अदालतमा पुगेका छन् । त्यहाँ सलमानलाई धेरै प्रश्नहरू सोधियो ।
रजत शर्माले सलमान खानलाई सोधका छन् - तपाई बिगत १० बर्षदेखि बिग बोसको होस्ट गर्दै हुनुहुन्छ र हरेक बर्ष खबर आउँछ कि तपाई शो छोड्दै हुनुहुन्छ, कुरा के हो ?
उनले अझ भने- मलाई लाग्छ तपाईले आफ्नो शुल्क बढाउने धम्की दिनुहुन्छ।
यसको जवाफमा सलमान खानले भने - यी केवल धम्कीहरू मात्र हुन् मेरो शुल्क बढाउँदैनन्।
यसअघि सलमान खानले एक एपिसोडका लागि ११ देखि १४ करोड भारु लिएको समाचार सार्वजनिक भएको थियो । सलमानले आफ्नो प्रोडक्सन हाउसको व्यापार बढाउने निर्णय गरेका थिए । प्रतिवेदनअनुसार बिग बोस १३ का लागि उनले ४ अर्ब भारु लिएका छन् । सञ्चारमाध्यममा उल्लेख गरिएअनुसार १३ साताको हुने शोमा उनले एउटा साताको दुई शोका लागि ३१ करोड भारुसम्म लिनेछन् ।
रजत शर्माले सलमानलाई असिम रियाज र हिमांशी खुरानाको बारेमा पनि प्रश्न गरे। उसले भने - तपाईंले असीमलाई भन्नुभयो कि हिमन्शीको सलग्नता उनको सगाइ टुट्यो।
यसको जवाफमा सलमानले भने - जब उनी सगाई गरेर घर भित्र आई, असिम उनीसँग माया गर्न थाले त्यसपछि उसको बाहिरी अध्याय अन्त्य भयो।
रजतले भने -तपाई सकैको अध्यायहरू समाप्त गर्न किन लागिपर्नुभएको छ?
सलमानले भने - मेरो अध्याय सुरु भइरहेको छैन… रजत हाँस्छन् र भन्छन् यसको मतलब तपाईले बिहे गर्नुहुन्न र अरुलाई पनि गर्न दिनुहुन्न।
