जाजरकोट। लहँ गाविस–४ की सुस्मिता थापाको मृत्यु भएको छ। कक्षा १२ मा अध्ययनरत भानुभक्त उच्च माविकी २० वर्षीया थापाले घरभित्रै झुन्डिएर आत्महत्या गरेको स्थानीयवासी हरिश रावलले जानकारी दिए।
यही वैशाख ३ गते डाडागाउँ गाविस–५ का कालीबहादुर पुनसँग प्रेमविवाह गरेकी थापालाई माइतीले जबर्जस्ती फर्काएर वैशाख ४ गते माइतीमै ल्याएपछि मङ्गलबार दिउँसो आत्महत्या गरेको स्थानीयवासीले बताएका छन्। अभिभावकको इच्छाविपरीत विवाह गरेको भन्दै थापालाई विवाह गर्नबाट रोकिएको थियो। रासस
