'लकडाउन' उल्लंघन गर्नेलाई एक महिनाको कैद

निरंजन कुमार साह, प्रकाशित मिति : २०७६ चैत ११ मंगलबार

जनकपुर । कोरोना संक्रमणको जोखिम कम गर्न सरकारले आह्वान गरेको 'लकडाउन'को पहिलो दिन मंगलबार जनकपुर पनि ठप्प भएको छ। छिटपुट सञ्चालनमा रहेका मोटरसाइकल समेत प्रहरीले रोकेको छ। यहाँका सम्पूर्ण पसलहरु बन्द छन भने सवारी साधन पनि पूर्ण रुपले ठप्प रहेका छन्।

जनकपुरको जिरोमाइलबाट प्रहरीले पचासभन्दा बढी मोटरसाइकल नियन्त्रणमा लिएको र  कोरोना त्राको समय जबरजस्ती मोटरसाइकल चलाउन खोज्ने दुई जना पक्राउ परेका हुन् ।

धनुषाका प्रमुख जिल्ला अधिकारी कोषप्रसाद निरौलाले लकडाउनलाई पूर्ण रुपमा पालन गर्न सबैसँग आग्रह गरेका छन्। सरकारको आदेश उल्लंघन गर्नेलाई एक महिनाको कैद सजाय समेत हुनसक्ने निरौलाले बताए ।

अहिले सम्म घरबाहिर निस्केकालाई सम्झाइबुझाइ फिर्ता पठाइएको छ, जबरजस्ती गरे नियन्त्रणमा लिइ कारवाही हुने धनुषाका प्रमुख जिल्ला अधिकारी कोषप्रसाद निरौलाले बताए ।  

नयाँ