पोखरा । नेपाली काँग्रेसका केन्द्रीय सदस्य रमेश लेखकले संविधान कार्यान्वयनका लागि नेपाली काँग्रेसले नेतृत्वदायी भूमिका लिने बताएका छन् ।
नेपाली काँग्रेसको पोखरा उपमहानगरपालिका–४ इकाईद्वारा आज आयोजित शुभकामना आदानप्रदान कार्यक्रममा लेखकले नेपाली जनताको लामो समयको सङ्घर्षको जगमा नेपाली काँग्रेसको नेतृत्वमा देशले नयाँ संविधान प्राप्त गरेको बताए ।
संविधानको सफल कार्यान्वयनका लागि पनि पार्टीले नेतृत्वदायी भूमिका निर्वाह गर्ने बताउँदै उहाँले वर्तमान सरकारबाट संविधान कार्यान्वयनको अपेक्षा गर्न नसकिने बताए । रासस
