समाजसेवी कार्कीको १३औं स्मृति दिवसमा ९१ जनाले गरे रक्तदान
प्रकाशित २०७७ साउन २४ शनिबार
175
Shares
भक्तपुर। शिक्षाबिद, सामाजिक अगुवा, समाजसेवी श्याम बहादुर कार्कीको १३ औं स्मृति दिवसका अवसरमा भक्तपुरमा रक्तदान गरिएको छ।
कार्कीकै नाममा स्थापित प्रतिष्ठानले आयोजना गरेको रक्तदान कार्यक्रममा ९१ जनाले रक्तदान गरेका हुन् ।
रक्तदाताहरुलाई प्रतिष्ठानका अध्यक्ष बिष्णुराज कार्की, नेपाली कांग्रेस भक्तपुरका सभापति दुर्लभ थापाले प्रमाणपत्र बितरण गरेका थिए ।
महामारीको परिस्थितिमा रक्तदान गरि सहयोग गर्नु हुने सबैलाई सभापति थापाले धन्यवाद व्यक्त गरेका थिए । मास्क, स्यानिटाइजर प्रयोग गरि निरन्तर सचेत हुन पनि थापाले सबै सहभागीहरुलाई अपिल गरे ।
प्रतिष्ठानका अध्यक्ष बिष्णुराज कार्कीले रक्तदाताहरुलाई विशेष धन्यवाद दिए । यसैगरी महिला संघ सभापति सरु बानियाँ, प्रतिष्ठानका सचिव प्रदीप कार्कीले स्वर्गीय श्याम बहादुर केसीको जीवनी र योगदानको बिषयमा प्रकाश पारेका थिए ।
नेपाली कांग्रेस भक्तपुरका नेता कार्यकर्ताको बाक्लो उपस्थित रहेको थियो।
