-
-
-
-
काठमाडौं । संखुवासभामा भूकम्प गएको छ । शुक्रबार बिहान ७ः२० बजेको समयमा ४ रेक्टर स्केलको भूकम्प गएको राष्ट्रिय भूकम्प मापन तथा अनुसन्धान केन्द्रले जानकारी दिएको छ ।
संखुवासभाको मकालु बरुण राष्ट्रिय निकुञ्ज, ताम्कु र पाथिभराको बीचमा केन्द्रबिन्दू भएर उक्त भूकम्प गएको हो ।
भूकम्पले खासै क्षति गरेको विवरण आएको छैन । तर यसको झड्का भने स्थानीयले महसुस गरेका छन् ।
छिमेकी जिल्लाहरुमा समेत भूकम्पको महसुस गरिएको बताइएको छ ।
कोरोना भाइरसको प्रकोप बढिरहेका बेलामा भूकम्प जाँदासमेत विभिन्न अड्कल काटेर बुढापाकाले के अनिष्ट हुन थालेको भनी चिन्ता व्यक्त गर्न थालेका छन् ।
