प्रदेश राजधानी भालुबाङमै राख्न प्रधानमन्त्री ओलीसंग परामर्श गर्न मूख्यमन्त्री पोखरेल काठमाडौँमा
छाडेकै हुन् त महासचिव विष्णु पौडेलले अर्थमन्त्रीका लागि राजधानी ?
नारायण वली,
प्रकाशित २०७७ असोज १८ आइतबार
713
Shares
रुपन्देही । प्रदेश नं ५ को स्थायी राजधानी दाङमा सार्ने अन्तिम तयारीमा जुटेका मुख्यमन्त्री शंकर पोखरेल थप परामर्शका लागि प्रधानमन्त्री केपी शर्मा ओलीलाई भेट्न शनिबार काठमाडौँ गएका छन् ।
बुटवलमै राजधानी राख्नुपर्ने पक्षमा रहेका नेकपा महासचिव विष्णु पौडेललाई अर्थमन्त्री दिएर थामथुम पार्ने पक्षमा रहेका प्रधानमन्त्री ओलीले यसबारे पनि मुख्यमन्त्री शंकर पोखरेलसँग छलफल गर्ने स्रोतको दाबी रहेको छ ।
आइतबार प्रदेश सभामा प्रस्तुत हुने राजधानी सार्ने प्रस्ताव सोमबारसम्म पारित गर्ने र आन्दोलनलाई साम्य पार्न पौडेल लगायतले पहल गर्ने तयारी भइरहेको बताइएको छ ।
अस्थायी राजधानी रहेको बुटवलमै प्रदेश स्थायी राजधानी हुने यहाँका स्थानीय तथा नेताहरुले अपेक्षा गरेको स्थितिमा दाङमा राजधानी लैजाने एकाएक प्रस्ताव आउँदा अहिले प्रदेश नं ५ अस्थायी राजधानी बुटवल तात्तिएको छ ।
प्रधानमन्त्री केपी शर्मा ओलीको मन्त्रणामा मुख्यमन्त्री पोखरेलले दाङमा राजधानी लैजाने अन्तिम तयारी गरेको खुल्न आएको छ ।
यो सफलतासँगै आगामी महाधिवेशनमा पोखरेललाई महासचिवको सम्भावित दावेदारका रुपमा समेत आँकलन गरिएको छ ।
पायक नपर्ने भालुबाङमा राजधानी सार्न थालिएपछि बुटवलमात्र नभई नवलपरासी, कपिलबस्तु, अर्घाखाँची, पाल्पा र गुल्मीका सांसदहरु आक्रोशित भएका छन् ।
नेकपाकै १४ सांसदले विरोध जनाएका छन् । नेकपाकै सांसदहरुले पार्टी महासचिव विष्णु पौडेलले अर्थमन्त्रीको पदसँग राजधानी छाडेको आरोप लागेको छ ।
