गाउँपालिका अध्यक्षलाई कोरोना, सिन्धुपाल्चोक जिप्रका सोमबारसम्मका लागि बन्द
प्रकाशित २०७७ असोज २२ बिहिबार
385
Shares
सिन्धुपाल्चोक । जुगल गाउँपालिका अध्यक्ष होमनारायण श्रेष्ठलाई कोरोना संक्रमण पुष्टि भएको छ । गाउँपालिका राष्ट्रिय महासघका अध्यक्ष समेत रहेका उनलाई आज संक्रमण पुष्टि भएको हो।
उनले सामाजिक सञ्जाल मार्फत आफूलाई कोरोना पुष्टि भएको जानकारी गराएका छन्। उनले लेखेका छन् “अहिले म होम आइसोलेसनमै बसिरहेको छु । मेरो स्वास्थ्य अवस्था सामान्य छ । यस बीचमा मेरो सम्पर्कमा आउनु भएकाहरुले सावधानी अपनाउनु होला । ”
जिल्ला प्रशासन कार्यालयको सेवा अगामी सोमबारसम्मका लागि बन्द गरिएको छ । कार्यालयका कर्मचारीको परिवारमा कोरोना संक्रमण पुष्टि भएपछि सोमबारसम्मका लागि अत्यावश्यक बाहेकका सबै सेवा बन्द गरिएको प्रशासकीय अधिकृत सुनिता पहरीले जानकारी दिइन् ।
जिल्लामा हालसम्म २ सय जनामा कोरोना संक्रण पुष्टि भएको छ । ती मध्ये १ सय २१ जना निको भएर फर्किएका छन् ।
