राफा नाडालले जिते कीर्तिमानी फ्रेन्च ओपनको उपाधि

प्रकाशित २०७७ असोज २६ सोमबार

काठमाडौं । स्पेनिश खेलाडी राफायल नाडालले कीर्तिमानसहित फ्रेन्च ओपन टेनिसको उपाधि जित्न सफल भएका छन् । फ्रान्सको पेरिसमा आइतबार भएको फाइनलमा विश्व नम्बर एक सर्वियन खेलाडी नोभाक जोकोभिचलाई पराजित गर्दै राफाले कीर्तिमानी १३ औं पटक फ्रेन्च ओपन जितेका हुन् ।

क्ले कोर्टका बादशाह राफाले जोकोभिचलाई ६–०, ६–२ र ७–५ को सेटमा हराए । दोस्रो वरियताका राफाले लगातार चौंथो वर्ष फ्रेन्च ओपन जितेका हुन् ।

राफा १३ पटक फ्रेन्च ओपनको उपाधि जित्ने एक्लो खेलाडी हुन् । पहिलोपटक सन् २००५ मा फ्रेन्च ओपन जितेका
३४ वर्षीय राफाको यो करियरको २० औं ग्राण्डस्लाम उपाधि समेत हो ।