arrow

दशैँमा फजुल खर्च र भीडभाड नगर्न प्रधानमन्त्रीको आग्रह

logo
प्रकाशित २०७७ कार्तिक ७ शुक्रबार
pm-oli-ntv.jpg

काठमाडौँ । प्रधानमन्त्री केपी शर्मा ओलीले दशैँमा फजुल खर्च र भीडभाड नगर्न आग्रह गरेका छन् । बडादशैँका अवसरमा शुक्रबार देशवासीका नाममा दिएको सम्बोधनमा प्रधानमन्त्री ओलीले भने, “औचित्य र आवश्यकताको वास्तै नगरी, आफ्नो सामथ्र्यको समेत ख्याल नगरी आँखा चिम्लिएर उत्सव मनाउँदा फजूल खर्चमा हौसिने जस्ता अभ्यास कुनै पनि कोणबाट उचित होइनन् ।”

प्रधानमन्त्री ओलीले कोरोना भाइरसजस्तो अदृश्य साझा शत्रुसँगको लडाइँको यस कठिन घडीमा सरकार नागरिकको जीवन रक्षा र स्वास्थ्य उपचारका सन्दर्भमा आफ्ना कर्तव्यबाट विमुख हुन नसक्ने र नभएको स्पष्ट गरे ।  

उनले जनताको स्वास्थ्य सुरक्षा एवं जीवन रक्षाका लागि सरकारले घोषणा गरेका नियमको कडाइका साथ पालना गर्न पनि सबैमा आग्रह  गरे ।

प्रधानमन्त्री ओलीले बडादशैंका मुखमा महामारीको संक्रमण अहिलेसम्मकै उच्च देखिएको र अहिले राजधानी काठमाडौं उपत्यका संक्रमणको केन्द्रजस्तै बन्न पुगेको उल्लेख गर्दै संक्रमणको वेग थामिन केही समय लाग्न सक्ने भएकाले यसलाई रोक्न, नियन्त्रण गर्न र संक्रमितको उपचार गर्न सरकारले आफ्ना सम्पूर्ण प्रयास केन्द्रित गरेको जानकारी दिए ।

प्रधानमन्त्री ओलीले कोरोना  महामारीविरुद्धको लडाइँ राजनीति वा अन्य स्वार्थको टकरावसँग सम्बन्धित नभएकाले यसलाई पक्षविपक्षको स्वार्थ, दाउपेच र अस्त्रको हिसाबले प्रयोग नगर्न आग्रह गरेका छन् । 



लोकप्रिय समाचार
लोकप्रिय समाचार
नयाँ