-
-
-
-
काठमाडौं । राजधानीमा आगलागी हुँदा जलेर एक जनाको मृत्यु भएको छ । कलङ्कीस्थित खड्का गाउँमा आगलागी हुँदा एक वृद्धको ज्यान गएको हो । विद्युतीय हिटर बालेर सुतेका ८६ वर्षका शिवराम खड्काको जलेर ज्यान गएको प्रहरीले जनाएको छ ।
हिटर बालेर सुतेकै बेला विद्युत सर्ट भएर आगलागी हुँदा उनको ज्यान गएको महानगरीय प्रहरी वृत्त कालीमाटीले जनाएको छ ।
घरमा रहेका अरु मानिसले जलेको गन्ध आएपछि मात्रै दुर्घटनाबारे थाहा पाएका थिए ।
परिवारका मानिसहरु घरको दोस्रो तलामा जलेका खड्कालाई हेर्न जाँदा उनको ज्यान गइसकेको थियो । त्यसपछि उनीहरुले प्रहरीलाई खबर गरेका थिए ।
