-
-
-
-
दार्चुला । दार्चुलाको मालिकार्जुन गाउँपालिका–३ का वडा अध्यक्ष रुद्रे सिंह धामीको निधन भएको छ। एक्कासी बिरामी भएका उनको सोमबार बिहान ७८ वर्षको उमेरमा वडा नम्बर ३ मडमा आफ्नै घरमा मृत्यु भएको मालिकार्जुन मन्दिर व्यवस्थापन समितिका सचिव जनक सिंह धामीले जानकारी दिए ।
वडाध्यक्ष धामी देशकै सातौं धाम श्री शैल्यशिखर मालिकार्जुन धाम तथा धार्मिक पर्यटकीय गन्तब्य मालिकार्जुन मन्दिरका मुखियासमेत थिए । उनको सोमबारै अन्त्येष्टि गरिने भएको छ।
उनको निधनमा गाउँपालिकाले दुई दिन शोक बिदा दिनेसमेत निर्णय गरेको छ । उनी २०७४ सालमा भएको स्थानीय तह निर्वाचनमा नेपाली कांग्रेसबाट उम्मेदवार बनेर निर्वाचित भएका थिए ।
