तुलसीपुर (दाङ)। नेपाली काँग्रेसका नेता खुमबहादुर खड्काको सतबरिया–६ गोझेनामा रहेको घर नजिकैको खेतमा आज बिहान भेटिएको ३६ नंको हेन्ड ग्रिनेट बम निस्क्रिय गरिएको छ ।
प्रहरी प्रवक्ता प्रकाश शर्माका अनुसार खेत जोत्ने क्रममा भेटिएको सो बम नेपाली तारादल गण घोराहीबाट आएको टोलीले दिउँसो निष्क्रिय गरेको हो । उक्त बम सशस्त्र द्वन्द्वका समयमा फालिएको हुन सक्ने अनुमान गरिएको छ । रासस
