विराटनगर एयरपोर्टका ट्याक्सीमा मेगा बैङ्कको क्युआर कोडबाट भुक्तानी सुविधा
हाम्रा कुरा
प्रकाशित २०७८ माघ १४ शुक्रबार
436
Shares
काठमाडौँ। मेगा बैङ्क नेपाल लिमिटेडले विराटनगर एयरपोर्टमा सञ्चालित ट्याक्सीहरूमा क्युआर कोड भुक्तानी प्रविधिबाट भाडा भुक्तानी सेवा सुरु गरेको छ।
नेपाल राष्ट्र बैङ्क विराटनगर कार्यालय प्रमुख निर्देशक मीना पाण्डेले एयरपोर्ट ट्याक्सी प्रवर्द्धन केन्द्र प्रालिसँग आबद्ध ट्याक्सीका चालकलाई बिहीबार एक समारोहबीच क्युआर कोड हस्तान्तरण गरी यो सेवाको शुभारम्भ गरेका हुन्। कार्यक्रममा नेपाल राष्ट्र बैङ्क, विराटनगर कार्यालयका उपनिर्देशक लक्ष्मीप्रसाद तिमिल्सिनाको पनि उपस्थिति थियो। यो सुविधाबाट एयरपोर्टमा आवतजावत गर्ने यात्रुहरूलाई नगदै भाडा तिर्नुपर्ने झन्झटबाट राहत मिल्ने मेगा बैङ्कको विश्वास छ।
एयरपोर्ट ट्याक्सी प्रवर्द्धन केन्द्र प्रालिसँग समन्वय गरेर विराटनगर एयरपोर्टलाई डिजिटाइज गर्ने तथा यात्रुहरूलाई ट्याक्सीमा यात्रा गर्दा डिजिटल पेमेन्टमा सहजता पुर्याउने उद्देश्यले ट्याक्सीमा क्युआर कोड वितरण गरिएको मेगा बैङ्क विराटनगर, देवकोटा चोकस्थित शाखाका प्रबन्धक विनोदराज थापाले बताए।
