देउवा भन्छन्- राजधानीमै महिलालाई हरायो भने दुनियाँले के भन्ला ?
हाम्रा कुरा
प्रकाशित २०७९ वैशाख २३ शुक्रबार
397
Shares
काठमाडौं । नेपाली कांग्रेसका सभापति एवं प्रधानमन्त्री शेरबहादुर देउवाले काठमाडौं महानगरको मेयरमा नेपाली कांग्रेसकी उम्मेदवार सिर्जना सिंहलाई जिताउन आग्रह गरेका छन् ।
शुक्रवार सत्तागठबन्धनले शान्तिबाटिकामा आयोजना गरेको चुनावी सभामा बोल्दै प्रधानमन्त्री देउवाले यस्तो आग्रह गरेका हुन् ।
यस्तै उनले चितवनको भरतपुर महानगरको मेयरमा रेणु दाहाललाई जिताउन समेत आग्रह गरेका छन् ।
सभामा बोल्दै प्रधानमन्त्री देउवाले भने, ‘भरतपुरमा रेणु र काठमाडौंमा सिर्जनालाई अत्यधिक बहुमतले जिताऔँ, राजधानीमै महिलालाई हरायो भने दुनियाँले के भन्लान्?’
यस्तै प्रधानमन्त्री देउवाले काठमाडौं उपत्यकामा फोहरको समस्या रहेको भन्दै यसलाई ६ महिनाभित्र व्यवस्थापन गर्ने बताएका छन् । प्रधानमन्त्री देउवाले चुनावी गठबन्धन बलियो बनाउने पर्ने बताएका छन् ।
