गोरखामा पाँच पालिका र ७३ वडाको नतिजा सार्वजनिक

हाम्रा कुरा

प्रकाशित २०७९ जेठ ३ मंगलबार

गोरखा। दुई नगरपालिका र ९ गाउँपालिका गरी ११ स्थानीय तह, ९४ वडा रहेको गोरखामा अहिलेसम्म पाँच पालिका र ७३ वटा वडाको मत परिणाम सार्वजनिक भइसकेको छ।

अहिलेसम्म सार्वजनिक भएको मत परिणाम अनुसार माओवादी केन्द्रले बारपाक सुलिकोट, शहीदलखन, भीमसेन थापा, अजिरकोट गरी चार पालिकाको अध्यक्षमा विजय हात पारेको छ भने काँग्रेसले आरुघाट गाउँपालिकामा मात्रै विजय हासिल गर्न सकेको छ।

यस्तै, मत परिणाम सार्वजनिक भएको ७३ वडा मध्य माओवादी केन्द्रले ३३, काँग्रेसले २७, एमालेले १०, जसपाले २ र स्वतन्त्र उम्मेदवार १ वडाको नेतृत्व पाएका छन्। अहिले जिल्लाको धार्चे, गण्डकी, सिरानचोक गाउँपालिका र गोरखा, पालुङटार नगरपालिकामा मतगणना जारी छ भने उत्तरी गोरखाको चुमनुब्रीमा भने मतगणना सुरु हुन सकेको छैन।