-
-
-
-
कञ्चनपुर । कञ्चनपुरको पुनर्वास १ मा कम्युनिष्ट किल्ला भत्काउँदै नेपाली कांग्रेसले विजय सुरुआत गरेको छ । पुनर्वासमा केही बेर अघि सम्पन्न मतगणनाको परिणाम अनुसार वडा नम्बर १ का वडा अध्यक्ष पदका उम्मेदवार मोहनलाल राना ९४४ मतका साथ प्यानल सहित विजयी भएका छन् ।
यस अघि एमालेले जित्दै आएको वडाबाट पहिलो पटक नेपाली कांग्रेसका उम्मेदवारहरू विजयी बनेका हुन् । पुनर्वास १ मा कांग्रेसका रानाको निकटतम प्रतिद्वन्दी नेकपा एमालेका च्याङजो तामाङले ६०४ मत ल्याएर दोस्रो स्थानमा रहेका छन् ।
२०७४ मा एमाले बाट वडा अध्यक्षमा निर्वाचित हाल नेकपा समाजवादीबाट उम्मेदवार बनेका प्रतापबहादुर चन्द ५७८ मतमा खुम्चिएका छन् । त्यस्तै स्वतन्त्र उम्मेदवार बिरसिह रानाले २४८ मत ल्याएका छन् भने राप्रपाका दिलबहादुर तामाङले १०३ मत ल्याएका छन् ।
