-
-
-
-
भरतपुर । भारतपुर महानगरपालिकामा गठबन्धनकी उम्मेदवार रेणु दाहाल ७ हजार बढी मतले अगाडि रहेकी छन् । नेकपा एमालेका उम्मेदवार विजय सुवेदीभन्दा ७ हजार ९ सय ७ मतले रेणु अघि रहेकी हुन् ।
आइतबार बिहानसम्मको परिणाम अनुसार नेकपा माओवादी केन्द्रकी उम्मेदवार रेणुले ३६ हजार ५३० मत ल्याएकी छिन् । उनलाई एमालेका सुवेदीले पछ्याउँदै छन् । सुवेदीले २९ हजार ६२३ मत ल्याएका छन् ।
रेणु पाँच दलीय गठबन्धनको तर्फबाट उम्मेदवार बनेकी हुन्।
गठबन्धनलाई चुनौती दिएका नेपाली कांग्रेसका विद्रोही स्वतन्त्र उम्मेदवार जगन्नाथ पौडेलले १२ हजार ११५ मत ल्याएका छन् ।
उपप्रमुखमा भने नेपाली कांग्रेसका चित्रसेन अधिकारीले ३८ हजार ६५५ मत ल्याउँदा राप्रपाकी हिमला गुरुङले २२ हजार ६०२ मत ल्याएकी छिन् ।
भरतपुर महानगरपालिकामा एक लाख २७ हजार ८ सय ३९ मत खसेको थियो ।
