काठमाडौं । एमाले अध्यक्ष एवं एमाले संसदीय दलका नेता केपी शर्मा ओलीले अर्थतन्त्रप्रति खेलबाड गर्ने गरी नीति तथा कार्यक्रम आएको दाबी गरेका छन् ।
उनले यो पपुलिष्ट, गैरजिम्मेवार र अनुत्तरदायीपन नीति तथा कार्यक्रमका नाममा आएको दस्तावेजले देशमा स्थिरता हुन नदिने गरी गठबन्धनको अस्थिरताको घोषणापत्रका रुपमा प्रस्तुत भएको आरोप लगाए ।
उनले बुँदा नम्बर १३६ मा त साँच्चिकै भ्रष्टाचारको प्रवर्धन गरिने छ भनेर सरकार खुलेआम भ्रष्टचारलाई बढावा गर्न खोजिरहेको आरोप पनि लगाए ।
उनले यो गठबन्धन सरकारमा धेरै नै सकुनीहरु रहेको आरोप पनि लगाएका छन् । त्यस्तो सरकारले ल्याएको नीति तथा कार्यक्रम त्यसैको प्रतिबिम्ब जस्तै छ भनी आरोप लगाए ।
उनले एमाले साँच्चिकै सरकारको प्रतिक्षामा रहेको पार्टी भएको बताएका छन् । उनले प्रतिनिधि सभाको बैठकमा सम्बोधन गर्दै भने, ‘नेकपा एमाले इन द रियल सेनस गभरमेन्ट इन वेटिङ हो’ भनेका छन् ।
उनले पार्टी संघर्ष गरेर यहाँसम्म आइपुगेको भन्दै कसैले चाहेर सिध्याउन नसक्ने पनि बताएका छन् ।
उनले एमालेमात्र लोकतान्त्रिक पार्टी भएकोसमेत बताए । उनले उनले निर्वाचन स्वच्छ र निष्पक्ष भएको भन्ने सरकारको भनाइप्रति कटाक्ष गरेका छन् । उनले निर्वाचन निर्वाचनजस्तो नै हुनुपर्ने भन्दै स्वच्छ, निष्पक्ष र धाँधलीरहित हुनुपर्छ भन्दै उनले बडो मुस्किलले यसपटक निर्वाचन भएको बताए ।
कानूनी व्यवस्थाअनुसार दुई महिनाअगावै निर्वाचन हुनुपर्छ । तर गठबन्धनले पछाडि धकेल्यो । गठबन्धनले गलत अभ्यास बसालेको आरोपसमेत उनले लगाएका छन् ।
आफूहरुको दबाब र अडानका कारण निर्वाचन भएको पनि उनले बताए ।
उनले निर्वाचन धाँधलीरहित हुन नसकेकै कारणले १४ दिनसम्म सबै ठाउँको परिणाम आउन नसकेको आरोपसमेत लगाए ।
उम्मेदवारका घरमा बम पड्काइएको भन्दै ओलीले शान्तिपूर्ण निर्वाचन कसरी भयो भनी प्रश्न गरेका छन् । उनले सत्तापक्षलाई आरोप लगाउन बम आफै पड्किएको हो र ? भन्दै प्रश्न गरे ।
उनले गठबन्धनको घोषित नीतिअनुसार नै धुलो चटाइदिने र पत्तासाफ गराइदिने भएकोसमेत बताए ।
‘म दावा साथ भन्छु एउटा ठाउँमा पनि प्रतिपक्षीका कारणले मतदान स्थगित भएको छैन ।’ उनले भने, ‘जसरी पनि जित्नुपर्छ छोड अरु कुरा’ भनेर उहाँहरुले गीतै बनाउनु भयो ।
उनले ‘२०६४ सालमा हामीले जसरी पनि जित्यौं । ठोकेर जित्यौं । तर हामी सोझा भयौं । हार्यौं । अब ६४ को जस्तै ठोकेरै जित्ने हो’ भनेर माओवादीका शीर्ष नेताले भनेको भन्दै आलोचना गरे ।
ओलीले लोकतन्त्रको धज्जी उडाउने किसिमले नयाँ कीर्तिमान रचेर सरकारले निर्वाचन गरेको आरोपसमेत लगाए ।
उनले पंचायत कालमा पनि हामीले जनपक्षीय भनेर सहभागीता जनाएका थियौं । यस्तो नाङ्गै ढंगमा त पंचायतले पनि नगरेको आरोप लगाए ।
