जोनसनले राजीनामा दिएपछि बेलायतकाे प्रधानमन्त्री बन्न चाहनेकाे लहर

हाम्रा कुरा

प्रकाशित २०७९ असार २४ शुक्रबार

काठमाडौं । मन्त्रिपरिषद्ले गरेको नाटकीय विद्रोहपछि बेलायतका प्रधानमन्त्री बोरिस जोनसनले राजीनामा दिएसँगै उनको उत्तराधिकारी बन्न कन्जरभेटिभ पार्टीका सांसदको दौड शुरु भएको छ ।

सांसद सुएला ब्रेभरम्यान, स्टिभ बेकर र टम टुगेनधाटले जोनसनको उत्तराधिकारी हुनका लागि चासो देखाएका छन् । जोनसनले पार्टीबाट अर्काे व्यक्ति प्रधानमन्त्रीका रुपमा छानिदा शरद ऋतुसम्म प्रधानमन्त्रीको रूपमा रहने योजना बनाएका छन् ।

धेरै टोरी र विपक्षी नेताहरुले उनलाई तत्कालै छोडुन भन्ने चोहेका छन् तर, उनले पहिले नै क्याबिनेटका कामहरू भरिसकेका छन् । नयाँ शिक्षा मन्त्री जेम्स चतुरले कार्यवाहक प्रधानमन्त्रीको आवश्यकता नरहेको भन्दै जोनसनलाई तुरुन्तै राजीनामा दिनको आह्वानमा आफू सहमत नभएको बताएका छन् ।

तर अन्य केही टोरी नेता भने उनले अझैं प्रधानमन्त्रीका रुपमा रहने बिषयमा असन्तुष्ट रहेका छन् । लेबर पार्टीलेसमेत अविश्वासको मत मार्फत प्रधानमन्त्रीलाई तुरुन्तै हटाउने प्रयास गर्ने धम्की दिएको छ ।

यद्यपि लेबर पार्टीको यो प्रयास सफल हुन कन्जरभेटिभहरू ठूलो समर्थन चाहिन्छ । लेबर पार्टीकी सहायक लिडर एन्जेला रेनरले सँग बोल्दै भनेकी छन्,'उनले अर्को दुई महिनासम्म टाँसिने प्रयास गरिरहेको तथ्य पूर्ण रूपमा अस्वीकार्य छ'।

राजीनामाको बाढीको बीचमा दुई दिनसम्म सत्तामा टाँसिने हताश प्रयास पछि जोनसनले बिहीबार राजीनामा दिएका थिए ।

हालैका दिनहरूमा लगभग ६० कन्जरभेटिभ सांसदहरूले वरिष्ठ र कनिष्ठ दुवै तहमा सरकारी जिम्मेवारीबाट राजीनामा दिएका छन् । जसले सरकारको काम गर्ने क्षमतामा शंका उत्पन्न गरेको छ।

बिहीबार आफ्नो नवनियुक्त मन्त्रिपरिषद्लाई सम्बोधन गर्दै जोनसनले १० नम्बरमा आफ्नो बाँकी समयको 'दिशामा ठूला परिवर्तनहरू' गर्न प्रयोग नगर्ने प्रतिज्ञा गरेका छन् ।