-
-
-
-
दाङ । दाङमा खोलाले सोमबार एक युवतीको ज्यान गएको छ । मृत्यु हुनेमा काठमाडौं महाराजगञ्जकी निवासी १७ वर्षीया सुनिता बुढा मगर रहेकी छन् ।
जिल्ला प्रहरी कार्यालय दाङका अनुसार घोराहीस्थित दिदीको घरमा आएको समयमा साथीहरूसँगै घुम्न गएको बेला सोमवार दिउँसो सुनितालाई खोलाले बगाएर मृत्यु भएको हो । बंगलाचुली गाउँपालिका वडा नं. २ स्थित स्याला खोलाले सुनितालाई बताएको थियो ।
दाङका प्रहरी प्रवक्ता डिएसपी मुकुन्द रिजालका अनुसार सुनितालाई बचाउन खोज्दा घोराही उपमहागनरपालिका वडा नं. १४ निवासी २१ वर्षीय हिक्मत बुढामगर घाइते भएका छन् ।
खोलाले दुई वटा मोटरसाइकल बगाएको भए पनि रा३प ५०६३ नम्बरको मोटरसाइकलमात्रै खोलामा फेला परेको प्रहरीले जानकारी दिएको छ । अर्को मोटरसाइकल खोलामै हराएको बताइएको छ ।
