-
-
-
-
कञ्चनपुर । कञ्चनपुरको पुनर्वास नगरपालिका ५ स्थित सिमरी खोलामा डुबेर एक किशोरीको मृत्यु भएको छ । आइतबार करिब साढे बाह्र बजेतिर माछा मार्न गएका बेला सिमरी खोलामा डुबेर सोही ठाउँकी १६ वर्षीया किशोरीको मृत्यु भएको प्रहरीले जनाएको छ ।
मृत्यु हुनेमा पुनर्वास नगरपालिका वडा नम्बर ५ सिमरीका बलराम रानाकी छोरी प्रेमवती राना रहेको इलाका प्रहरी कार्यालय त्रिभुवनबस्तीका प्रहरी निरीक्षक नरेशराज मल्लले जानकारी दिए ।
शव पोष्टमार्टमका लागि बेलौरीको श्रीपुर प्राथमिक स्वास्थ्य केन्द्रमा लगिएको प्रहरीले जनाएको छ । मृतक प्रेमवती गौरी शंकर माध्यमिक विद्यालयमा कक्षा १२ मा अध्ययनरत थिइन् ।
