नरैनापुर । लुम्बिनी प्रदेश सभाकी नवनिर्वाचित सांसद कृष्ण केसी नमूनाले नरैनापुरको विकट बस्तीहरुमा बिद्युतीकरणका लागि चासो देखाएकी छिन् ।

नरैनापुर गाँउपालिका अध्यक्ष इश्तियाक अहमद शाहको पहलमा प्रदेश सभा सदस्य नमूनाले आनो चुनावी क्षेत्रका केहि बिकट बस्तीहरुमा देखिएको विद्युतको अभावको अनुगमन गरेकी हुन्  । 

अध्यारो बस्तीहरुमा विद्युत बिस्तारका लागि योजना बनाएर बघि बढ्ने सांसद नमूनाले बताइन । विद्युत प्राधिकरण क्षेत्रीय कार्यालय नेपालगंजका प्रमुख सुरज गौतम सहित प्राविधिक टोली विद्युत नपुगेको बस्तीहरुको अनुगमन गरी फर्किएको छ ।  

नरैनापुर गाँउपालिका अध्यक्ष इश्तियाक अहमद शाहले नरैनापुरको बनियाँ गाँउमा हाल सम्म बिजुली नपुगेकोले तत्काल विद्युत पुर्याउन प्राधिकरणका प्रमुख गौतमसंग आग्रह गर्दै नरैनापुर थप विद्युत विस्तारका लागि १५ सय पोल र उक्त पोलमा लाग्ने तारको व्यवस्था गरी नरैनापुरलाई उज्यालो बनाउनमा साथ दिन अनुरोध गरेका छन्  ।

नरैनापुर गाउँपालिका अध्यक्ष शाहले विद्युत् सेवा पुग्नु आनो र नरैनापुरवासीका लागि ठूलो खुसीको कुरा भएको बताउदै वर्षौदेखिको नरैनापुरबासीको बिजुली बाल्ने सपना पूरा भए पनि अब सिँचाइका लागि विद्युत विस्तार गर्न जरुरी रहेको जिकिर गरे ।

 प्रदेश सभा सदस्य नमूनाले नरैनापुरमा आफूले नै विजुली ल्याएको दाबी गर्दै नरैनापुरको जुन गाँउमा विजुली पुगेको छैन त्यो गाँउमा ६ महिना भित्रै बत्ती बाल्ने प्रतिबद्धता गर्दै अबको विकास नरैनापुरबाट सुरु हुने  बताइन् । 

उनले नरैनापुर सर्वोपरि विकासका लागि आवश्यक सम्भावनाको खोजी गरी आर्थिक उपार्जनको बाटोमा डोर्याउन आफू प्रतिबद्ध रहेको जिकिर गर्दै कृषिलाई आर्थिक विकासमा जोडि स्थानीय उत्पादनको सहज बजारीकरणका लागि आफूले पहल गर्ने बताए ।

यस्तै विद्युत प्राधिकरणका प्रमुख गौतले नरैनापुर ६० प्रतिशत विद्युत विस्तार भई सकेकोले बाँकी रहेको काम सक्दो छिटो सम्पन्न गर्ने बताए । नरैनापुर ५ मटेहियाका रामचन् मौर्यले भने, ‘घरमा बत्ती बलिसकेको छ अब खेतमा सिचाईका लागि लाईन पुर्याउन आग्रह गर्नु भएको थियो ।’

 नरैनापुर गाँउपालिकाका अध्यक्ष शाहसंगै प्रदेश सभा सदस्य नमूना, विद्युतका प्रमुख गौतमले वडा नं ४ का अध्यक्ष मनोज शर्मा, ५ का अध्यक्ष कृष्ण चन्द्र मौर्य, ६ का अध्यक्ष प्रेम मौर्य र स्थानीय नागरिकहरु संग भेट गरी विद्युतको समस्याका विषयमा छलफल गरेका हुन्  ।