-
-
-
-
काठमाडौं । इटालियन सिरि ए क्लब युभेन्ट्स कोपा इटालिया फुटबलको सेमिफाइनलमा प्रवेश गरेको छ । बिहीबार राति भएको खेलमा लाजियोलाई १–० गोल अन्तरले हराउँदै युभेन्ट्स अन्तिम चारमा पुगेको हो ।
युभेन्ट्सको जितमा ग्लिसन ब्रेमेरले निर्णायक गोल गरे । खेलको ४४ औं मिनेटमा ब्रेमेरले गोल गरेका थिए ।
अब सेमिफाइनलमा युभेन्ट्सले इन्टर मिलानको सामना गर्नेछ । इन्टरले एटलान्टालाई हराएर सेमिफाइनलमा ठाउँ बनाएको हो ।
अर्को सेमिफाइनलमा फियोरेन्टिना र क्रिमोनेस खेल्नेछन् ।
